2016 jylǵy 13 qańtar, Astana qalasy
Joǵary bilimniń bilim berý baǵdarlamalaryn iske asyryp jatqan Qazaqstan Respýblıkasy ulttyq qaýipsizdik organdarynyń áskerı,
arnaýly oqý oryndaryna oqýǵa qabyldaý qaǵıdalaryn bekitý týraly
«Bilim týraly» 2007 jylǵy 27 shildedegi Qazaqstan Respýblıkasynyń Zańy 5-1-babynyń 9) tarmaqshasyna jáne «Qazaqstan Respýblıkasynyń arnaýly memlekettik organdary týraly» 2012 jylǵy 13 aqpandaǵy Qazaqstan Respýblıkasynyń Zańy 10-babynyń 2-tarmaǵyna sáıkes buıyramyn:
1. Osy buıryqqa 1-qosymshaǵa sáıkes Joǵary bilimniń bilim berý baǵdarlamalaryn iske asyryp jatqan Qazaqstan Respýblıkasy ulttyq qaýipsizdik organdarynyń áskerı, arnaýly oqý oryndaryna oqýǵa qabyldaý qaǵıdalary bekitilsin.
2. Osy buıryqqa 2-qosymshaǵa sáıkes Qazaqstan Respýblıkasy Ulttyq qaýipsizdik komıteti Tóraǵasynyń keıbir buıryqtarynyń kúshi joıyldy dep tanylsyn.
3. Qazaqstan Respýblıkasy Ulttyq qaýipsizdik komıtetiniń Kadrlar departamenti:
1) osy buıryqty Qazaqstan Respýblıkasynyń zańnamasynda belgilengen tártipte Qazaqstan Respýblıkasynyń Ádilet mınıstrliginde memlekettik tirkeýdi;
2) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde jarııalaýǵa joldaýdy;
3) osy buıryqty Qazaqstan Respýblıkasy Ulttyq qaýipsizdik komıtetiniń ınternet-resýrsyna ornalastyrýdy qamtamasyz etsin.
4. Buıryqpen Qazaqstan Respýblıkasy ulttyq qaýipsizdik organdarynyń qyzmetkerleri men áskerı qyzmetshileri tanystyrylsyn.
5. Osy buıryqtyń oryndalýyn baqylaý Qazaqstan Respýblıkasy Ulttyq qaýipsizdik komıteti Tóraǵasynyń orynbasary M.О́. Qalqabaevqa júktelsin.
6. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Ulttyq qaýipsizdik komıtetiniń Tóraǵasy V.JUMAQANOV
Qazaqstan Respýblıkasy Ulttyq qaýipsizdik komıteti Tóraǵasynyń
2016 jylǵy 13 qańtardaǵy №2 buıryǵyna 1-qosymsha
Joǵary bilimniń bilim berý baǵdarlamalaryn iske asyryp jatqan Qazaqstan Respýblıkasy ulttyq qaýipsizdik organdarynyń áskerı, arnaýly oqý oryndaryna oqýǵa qabyldaý qaǵıdalary
1. Jalpy erejeler
1. Osy Joǵary bilimniń bilim berý baǵdarlamalaryn iske asyryp jatqan Qazaqstan Respýblıkasy ulttyq qaýipsizdik organdarynyń (budan ári – UQO) áskerı, arnaýly oqý oryndaryna oqýǵa qabyldaý qaǵıdalary (budan ári – Qaǵıdalar) Qazaqstan Respýblıkasynyń azamattaryn (budan ári – azamattar) joǵary bilimniń bilim berý baǵdarlamalaryn iske asyryp jatqan Qazaqstan Respýblıkasy ulttyq qaýipsizdik organdarynyń (budan ári – UQO) áskerı, arnaýly oqý oryndaryna (budan ári – UQO JOO) oqýǵa qabyldaý tártibin belgileıdi.
2. UQO JOO «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-1 baby 16) tarmaqshasyna sáıkes joǵary bilim jáne joǵary bilimniń oqytý merzimi qysqartylǵan bilim berý baǵdarlamalary boıynsha bilim alýshylardy qabyldaýdy júzege asyrady.
3. UQO JOO-da joǵary bilim jáne joǵary bilimniń oqytý merzimi qysqartylǵan bilim berý baǵdarlamalary boıynsha kadrlardy daıyndaý kadrlarǵa qajettilik (budan ári – tártipteme) negizinde júzege asyrylady. Tártiptemeni Ulttyq qaýipsizdik komıteti (budan ári – UQK) Kadrlar departamenti (Shekara qyzmetiniń kadr qyzmeti) ázirleıdi jáne oqý jylynyń aldyndaǵy jyldyń 1 qarashasyna deıin UQK Tóraǵasy bekitedi.
4. UQK organdarynyń kadr qyzmetteri tártiptemeni bekitkennen keıin:
1) buqaralyq aqparat quraldaryna, onyń ishinde UQK resmı ınternet-resýrsyna ótinish berý merzimderi, sondaı-aq osy Qaǵıdalardyń 12-tarmaǵynda belgilengen ótinishke (baıanat) qosymsha tirkeletin qujattardyń tizbesi týraly habarlandyrý berý uıymdastyrylady;
2) oqýǵa kandıdattardy qyzmet etý orny jáne turǵylyqty jeri boıynsha kásibı baǵyttaý, irikteý men arnaıy tekserý jónindegi jumystar júrgiziledi.
5. Oqýǵa kandıdattar qyzmetke jaramdylyǵyn anyqtaý úshin qyzmet etetin orny jáne turǵylyqty jeri boıynsha mindetti túrde áskerı-dárigerlik komıssııalarda psıhofızıologııalyq jáne medısınalyq kýálandyrýdan, sondaı-aq polıgrafologııalyq zertteýden ótedi.
6. UQK organdarynyń kadr qyzmetteri UQO JOO-ǵa joǵary bilimniń jáne joǵary bilimniń oqytý merzimi qysqartylǵan bilim berý baǵdarlamalary boıynsha oqýǵa túsýge kandıdattardyń jınaqtalǵan jeke isterin oqýǵa túsetin jyldyń 20 mamyryna deıin usynady.
7. UQK Kadrlar departamenti (Shekara qyzmetiniń kadr qyzmeti) oqýǵa túsetin jyldyń 10 maýsymyna deıin oqýǵa baratyn kandıdattarǵa UQO JOO-ǵa oqýǵa qabyldaý merzimi týraly UQK organdarynyń kadr qyzmetteri arqyly habarlaıdy.
8. Kandıdatty UQO JOO-ǵa oqýǵa qabyldaý shet tilin biletin qyzmetkerlerge daıyndyq kýrstary boıynsha bólek UQK JOO-nyń basshylary oqýǵa túsetin jyldyń 31 shildesine deıin júrgizedi.
2. Qazaqstan Respýblıkasy ulttyq qaýipsizdik organdarynyń
JOO-ǵa qabyldaý tártibi
9. Joǵary bilimniń bilim berý baǵdarlamalary boıynsha UQK JOO-ǵa:
1) orta nemese orta bilimnen keıingi bilimi bar, áskerı qyzmet ótkermegen, oqýǵa túsetin jyly on jeti jasqa tolǵan, biraq jıyrma bir jastan aspaǵan azamattar;
2) oqýǵa túsetin jyly jıyrma tórt jasqa tolmaǵan, áskerı qyzmet ne arnaýly memlekettik organdarda qyzmet ótkergen azamattar jáne shaqyrý boıynsha merzimdi áskerı qyzmet ótkerip júrgen áskerı qyzmetshiler;
3) oqýǵa túsetin jyly jıyrma bes jasqa tolmaǵan, kelisimshart boıynsha áskerı qyzmet ótkerip júrgen áskerı qyzmetshiler ne arnaýly memlekettik organdarda qyzmet ótkerip júrgen qyzmetkerler qabyldanady.
10. Joǵary bilimniń oqytý merzimi qysqartylǵan bilim berý baǵdarlamalary boıynsha, áskerı, arnaýly ataqtary, ofıserlik quramnyń synyptyq shenderi bar adamdardy qospaǵanda, oqýǵa túsetin jyly keminde jıyrma eki jasqa tolǵan joǵary bilimi bar Qazaqstan Respýblıkasynyń azamattary, sondaı-aq:
1) qajetti jeke, moraldyq jáne kásibı qasıetteri, densaýlyq jaǵdaıy jáne dene shynyqtyrý boıynsha daıyndyǵy;
2) oqý jetistikterin ball-reıtıngtik áriptik júıesine sáıkes baǵalaý boıynsha joǵary bilimderiniń orta baly 2,67-den tómen emes (dástúrli baǵalaý shkalasy boıynsha 4 baldan tómen emes) azamattar qabyldanady.
11. Joǵary bilim jáne joǵary bilimniń oqytý merzimi qysqartylǵan bilim berý baǵdarlamalary boıynsha oqýǵa kandıdattardyń jasy UQO JOO-ǵa qabyldaý kúni anyqtalady.
12. UQO JOO-ǵa oqýǵa túsýge tilek bildirgen azamattar oqýǵa túsetin jyldyń aldyndaǵy jyldyń 1 qarashasyna deıin:
1) joǵary bilimniń bilim berý baǵdarlamalary boıynsha turǵylyqty jáne qyzmet oryndary boıynsha UQK organdaryna testileýdi qaı tilde tapsyratyndyǵyn jáne qaı tilde bilim alatyndyǵyn kórsete otyryp:
áskerge shaqyrylýshylar jáne zapastaǵy áskerı mindettiler – erkin nysanda ótinish;
áskerı qyzmetshiler (qyzmetkerler) – áskerı bólimniń (UQK organdarynyń) basshylyǵymen kelisilgen baıanat beredi.
О́tinishke nemese baıanatqa qosymsha mynalar usynylady:
jalpy orta bilimi týraly qosymshasymen birge attestat kóshirmesi nemese tehnıkalyq jáne kásibı bilimi týraly ne bolmasa orta bilimnen keıingi bilim týraly qosymshasymen birge dıplom kóshirmesi;
«Bilim alýdy aıaqtamaǵan adamdarǵa beriletin anyqtama nysanyn bekitý týraly» Qazaqstan Respýblıkasy Bilim jáne ǵylymı mınıstriniń 2009 jylǵy 12 maýsymdaǵy № 289 buıryǵymen (Normatıvtik quqyqtyq aktilerdi memlekettik tirkeý tiziliminde № 5717 bolyp tirkelgen) bekitilgen anyqtama nysanyna sáıkes jalpy orta, tehnıkalyq jáne kásibı bilim alýdy, sondaı-aq orta bilimnen keıingi bilim berý uıymdaryn aıaqtamaǵan adamdarǵa beriletin anyqtama (túpnusqa);
jeke basyn kýálandyratyn qujat (kóshirme);
týý týraly kýálik (kóshirme);
alty fotosýret (bas kıimsiz, kólemi 4,5 h 6 sm);
ómirbaıan jáne saýalnama (túpnusqa).
2) joǵary bilimniń oqytý merzimi qysqartylǵan bilim berý baǵdarlamasy boıynsha turǵylyqty jeri boıynsha UQK organdaryna UQO JOO-ǵa qaı tilde bilim alatyndyǵyn kórsete otyryp, kandıdat retinde zerdeleýge alý týraly erikti nysandaǵy ótinish beredi.
UQO qyzmetkerleri men áskerı qyzmetshileri qyzmet oryndary boıynsha tikeleı basshylyǵymen kelisilgen UQO JOO-ǵa túsý jáne oqýǵa kandıdat retinde zerdeleý múmkindigi týraly baıanat beredi.
О́tinishke (baıanatqa) mynalar qosa usynylady:
joǵary bilimi týraly dıplomnyń kóshirmesi, dıplomǵa qosymshanyń kóshirmesi (transkrıpt). Sheteldik bilim berý uıymdarynda, Qazaqstan Respýblıkasynda qurylǵan jáne jumys jasaıtyn halyqaralyq jáne sheteldik bilim berý uıymdarynda (olardyń fılıaldarynda) bilimi týraly qujattar alǵan kandıdattar, eger Qazaqstan Respýblıkasynyń qoldanystaǵy zańnamalarynda jáne halyqaralyq sharttarynda (kelisimderde) ózgeshe kózdelmese, nostrıfıkasııalaý jáne taný rásimderinen ótýi týraly bilim berý salasyndaǵy ýákiletti organ belgilegen tártipte berilgen tısti kýálikterdi usynady;
jeke basyn kýálandyratyn qujat (kóshirme);
alty fotosýret (bas kıimsiz, kólemi 4,5 h 6 sm);
áskerı bılet nemese tirkeý kýáligi (kóshirme);
eńbek kitapshasy nemese eńbek ótilin rastaıtyn ózge qujat (kóshirme);
ómirbaıan jáne saýalnama (túpnusqa).
13. Sońǵy kásibı irikteýge qatysý úshin kelgen kezde kandıdat UQO JOO-nyń qabyldaý komıssııasyna tekserý ótkizý úshin mynadaı qujattardyń túpnusqalaryn usynady:
1) joǵary bilimniń bilim berý baǵdarlamalary boıynsha – jeke basyn kýálandyratyn qujat, jalpy orta bilimi týraly attestat qosymshasymen birge nemese tehnıkalyq jáne kásibı bilimi týraly, ne orta bilimnen keıingi bilimi týraly dıplom qosymshasymen birge, testileý nátıjesi 50 baldan tómen bolmaıtyn kelesi pánder boıynsha: qazaq nemese orys tili (bilim alǵan tili), matematıka, Qazaqstan tarıhy, mektepte orys tilinde bilim alǵandar qazaq tilin jáne mektepte qazaq tilinde bilim alǵandar orys tilin jáne tańdaý páni boıynsha (fızıka), onyń ishinde beıindik pán boıynsha 7 baldan tómen emes, al qalǵandary boıynsha 4 baldan tómen emes Ulttyq biryńǵaı testileýdiń (budan ári - UBT) nátıjeleri boıynsha sertıfıkat. Beıindik pán – fızıka;
2) joǵary bilimniń oqytý merzimi qysqartylǵan bilim berý baǵdarlamalary boıynsha – jeke basyn kýálandyratyn qujat, joǵary bilimi týraly dıplom, dıplomǵa qosymsha (transkrıpt), áskerı bılet nemese áskerge shaqyrylýshynyń kýáligi.
14. Qazaqstan Respýblıkasy Úkimetiniń 2012 jylǵy 19 qańtardaǵy № 111 qaýlysymen bekitilgen Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdalaryna (budan ári – Úlgi qaǵıdalar) sáıkes ótken jyldardaǵy jalpy orta (orta jalpy) bilim berý uıymdarynyń bitirýshileri, tehnıkalyq jáne kásiptik (bastaýysh jáne orta kásiptik, orta bilimnen keıingi) bilim berý uıymdarynyń bitirýshileri, halyqaralyq oqýshylar almasý jelisi boıynsha shetelde oqyǵan jalpy bilim beretin mektep bitirýshileri, UBT-ǵa qatyspaǵan jalpy bilim beretin mektepterdiń bitirýshileri, qazaq jáne orys tilderinde oqytpaıtyn jalpy bilim beretin mektepterdiń bitirýshileri, respýblıkalyq mýzyka mektep-ınternattarynyń bitirýshileri, sondaı-aq oqý ornyn shetelde bitirgen tulǵalar úshin keshendi testileý ótkiziledi.
15. UQO JOO-ǵa oqýǵa kandıdattar tómendegilerdi qamtıtyn sońǵy kásibı irikteý konkýrsynan ótedi:
1) joǵary bilimniń bilim berý baǵdarlamalary boıynsha – medısınalyq kýálandyrý, kásibı jaramdylyǵyn jáne dene shynyqtyrý daıyndyǵyn tekserý;
2) joǵary bilimniń oqytý merzimi qysqartylǵan bilim berý baǵdarlamalary boıynsha – medısınalyq kýálandyrý, kásibı jaramdylyǵyn, dene shynyqtyrý daıyndyǵyn tekserý, saıasattaný boıynsha bilimderin jáne jazbasha-sóıleý daǵdylaryn tekserý.
16. UQK Shekara qyzmetiniń akademııasyna (budan ári – ShQ akademııasy) oqýǵa túsetin áskerı qyzmetshiler qataryndaǵy kandıdattarmen atalǵan oqý ornynyń bazasynda jalpy abıtýrıenttik jıyn aldyndaǵy kezeńde daıyndyq jıyny ótkiziledi.
17. UQO JOO-ǵa qabyldaýdy mandattyq jáne qabyldaý komıssııalary júzege asyrady. Árbir UQO JOO úshin qabyldaý jáne mandattyq komıssııalardyń quramy UQK Tóraǵasynyń buıryǵymen jeke bekitiledi.
Qabyldaý jáne mandattyq komıssııalardyń quramyna basshy, sondaı-aq UQK organdarynyń ózge de qyzmetkerleri men áskerı qyzmetshileri engiziledi.
18. Qabyldaý komıssııasy tóraǵa, tóraǵanyń orynbasary, jaýapty hatshy jáne komıssııanyń bes múshesinen kem bolmaıtyn quramnan qurylady.
Qabyldaý komıssııasy:
oqýǵa túsetin kandıdattardyń jeke isterin qarastyrýdy júzege asyrady;
sońǵy kásibı irikteýge qatysýǵa ruqsat etilgen oqýǵa túsetin kandıdattardyń tizimderin bekitedi;
3) sońǵy kásibı irikteý ótkizedi;
4) oqýǵa qabyldaý máseleleri boıynsha shaǵymdar men ótinishterdi qarastyrady;
5) konkýrs tizimderi men kandıdattardy kýrsanttar (tyńdaýshylar) qataryna qabyldaý týraly buıryq jobasyn ázirleıdi;
6) oqýǵa túsetin kandıdattardy irikteý men tekserý jónindegi jumystardy odan ári jetildirý boıynsha usynystar ázirleıdi.
19. Qabyldaý komıssııasynyń tóraǵasy UQK organdarynyń bastyqtary (bastyqtardyń orynbasarlary) qatarynan taǵaıyndalady.
Qabyldaý komıssııasy tóraǵasynyń orynbasary UQO JOO bastyqtarynyń orynbasarlary qatarynan taǵaıyndalady.
Qabyldaý komıssııasy tóraǵasynyń orynbasary qabyldaý komıssııasynyń músheleri men qabyldaý komıssııasynyń jaýapty hatshysynyń qyzmetin uıymdastyrady jáne qadaǵalaıdy, oqýǵa kandıdattardyń sońǵy kásibı irikteýin ótkizýdi uıymdastyrady.
Qabyldaý komıssııasynyń hatshysy UQK organdary basshy quramynyń qatarynan taǵaıyndalady.
Qabyldaý komıssııasynyń hatshysy qabyldaý komıssııasyna júktelgen fýnksııalardy iske asyrý boıynsha qujattardy, qabyldaý komıssııasynyń otyrystaryna materıaldardy, sondaı-aq onyń jumysy týraly eseptiń jobasyn ázirleýdi júzege asyrady.
20. Qabyldaý komıssııasynyń sheshimi bekitilgen quramynyń keminde úshten eki múshesi bolǵan kezde kópshilik daýyspen qabyldanady. Daýystar teń bolǵan jaǵdaıda qabyldaý komıssııasy tóraǵasynyń daýysy sheshýshi bolyp tabylady.
21. Mandattyq komıssııa tóraǵa, eki orynbasar, hatshy jáne komıssııanyń bes múshesinen kem bolmaıtyn quramnan quralady.
Mandattyq komıssııa:
1) UQO JOO-nyń qabyldaý komıssııasy sońǵy kásibı irikteýden ótý úshin usynǵan kandıdattardyń jeke isterin iriktep tekserýdi jáne taldaýdy júzege asyrady;
2) qajet bolǵan jaǵdaıda sońǵy kásibı irikteýden ótken jáne UQO JOO-ǵa qabyldanýǵa konkýrsqa qatysý úshin jiberilgen kandıdattarmen suhbattasý ótkizedi;
3) UQO JOO-ǵa oqýǵa kandıdattardyń oqýǵa qabyldaý máseleleri jónindegi shaǵymdary boıynsha qorytyndy sheshim qabyldaıdy;
4) oqýǵa kandıdattardy sońǵy kásibı irikteý qorytyndysy boıynsha taldaý jasaıdy jáne osy jumystardy odan ári jetildirý boıynsha sharalar ázirleıdi.
22. Mandattyq komıssııanyń tóraǵasy bolyp UQK Tóraǵasy orynbasarlarynyń biri taǵaıyndalady.
Mandattyq komıssııa tóraǵasynyń orynbasarlary UQK organdary jáne UQO JOO-nyń bastyqtary qatarynan taǵaıyndalady.
Mandattyq komıssııanyń hatshysy bolyp UQO JOO-nyń kadr qyzmeti bastyǵynyń orynbasary nemese qyzmetkerleriniń (áskerı qyzmetshileriniń) biri taǵaıyndalady.
Mandattyq komıssııa músheleri bolyp UQK organdarynyń jáne UQO JOO basshy quramynyń adamdary taǵaıyndalady.
23. Mandattyq komıssııa jyl saıyn qurylady jáne UQO JOO-nyń qabyldaý komıssııasy jumys istegen kezeńde qyzmet etedi.
Mandattyq komıssııanyń jumysyn uıymdastyrý komıssııa tóraǵasy orynbasarlarynyń birine, al is qaǵazdaryn júrgizý komıssııanyń hatshysyna júkteledi.
24. Oqýǵa kandıdattardy medısınalyq kýálandyrý «Qazaqstan Respýblıkasynyń arnaýly memlekettik organdarynda áskerı-dárigerlik saraptama ótkizý qaǵıdalaryn jáne Qazaqstan Respýblıkasy ulttyq qaýipsizdik organdarynyń áskerı-dárigerlik saraptama organdary týraly erejelerdi bekitý týraly» Qazaqstan Respýblıkasy Ulttyq qaýipsizdik komıteti Tóraǵasynyń 2014 jylǵy 30 jeltoqsandaǵy № 437/QBP buıryǵyna (Normatıvtik quqyqtyq aktilerdi memlekettik tirkeý tiziliminde № 10328 bolyp tirkelgen ) sáıkes júrgiziledi.
UQO JOO-da medısınalyq kýálandyrýdan ótkizý úshin jyl saıyn UQK Tóraǵasynyń buıryǵymen ýaqytsha áreket etetin shtattan tys áskerı-dárigerlik komıssııa (budan ári – ÁDK) qurylady. ÁDK quramyn UQK Ortalyq áskerı-dárigerlik komıssııasynyń tóraǵasy jasaqtaıdy.
ÁDK quramyna UQK áskerı-dárigerlik bólimsheleriniń jáne UQO basqa da áskerı-dárigerlik komıssııalarynyń tıisti mamandyqtaǵy medısına qyzmetkerleri kiredi.
Medısınalyq kýalandyrýdan ótkizý kezinde kandıdattardyń arnaýly memlekettik organdardaǵy qyzmetke jaramdylyǵy anyqtalady.
25. Sońǵy kásibı irikteý ótkizý úshin UQO JOO bastyqtarynyń buıryqtarymen arnaıy (pándik, saraptama) komıssııalar (budan ári – arnaıy komıssııalar) qurylady.
Arnaıy komıssııa quramyna úsh adamnan kem bolmaıtyn ulttyq qaýipsizdik organdarynyń tájirıbeli jáne bilikti qyzmetkerleri (áskerı qyzmetshileri), UQO JOO oqytýshylary kiredi.
26. Kásibı jaramdylyǵyn tekserýdi arnaıy komıssııa júzege asyrady jáne kandıdattyń kásibı quzyrettiligi qyzmettik is-qımyldyń josparlanyp otyrǵan ýchaskesine (baǵytyna) sáıkes kelý dárejesin anyqtaýǵa baǵyttalǵan.
27. Kandıdattardyń dene shynyqtyrý daıyndyǵyn tekserýdi osy Qaǵıdalarǵa 1-qosymshaǵa sáıkes kandıdattardyń dene shynyqtyrý daıyndyǵyn baǵalaý ólshemsharttaryna sáıkes arnaıy komıssııa júzege asyrady.
28. Saıasattaný boıynsha bilimderin tekserý suhbattasý túrinde ótkiziledi.
29. Aýyzsha-jazbasha daǵdylaryn tekserý jazba jumysyn (esse) oryndaý nysanynda júrgiziledi.
30. Oqý ornyna qabyldaý tártibi, UQO JOO qabyldaý komıssııasynyń oqýǵa qabyldaý máseleleri jáne sońǵy kásibı irikteý nátıjeleri týraly aqparattar habarlandyrý taqtaıshasyna ornalastyrylady.
31. UQO JOO-ǵa qabyldaý:
sońǵy kásibı irikteý derekterin eskere otyryp, UBT (keshendik testileý) baldaryna sáıkes joǵary bilimniń bilim berý baǵdarlamalary boıynsha;
sońǵy kásibı irikteý nátıjeleri boıynsha joǵary bilimniń oqytý merzimi qysqartylǵan bilim berý baǵdarlamalary boıynsha konkýrstyq negizde mandattyq komıssııanyń sheshimimen júrgiziledi.
32. Qyzmet ótkerý kezinde qaıtys bolǵan, habarsyz joǵalyp ketken nemese arnaýly (áskerı) qyzmet ótkerý kezinde múgedektik alǵan UQO qyzmetkerleriniń (áskerı qyzmetshileriniń) balalary oqýǵa túsýshilerge qoıylǵan talaptar boıynsha shektik deńgeıdiń baldaryn jınaǵan jaǵdaıda ShQ akademııasyna konkýrstan tys oqýǵa qabyldanady.
33. Konkýrs ótkizý kezinde birdeı kórsetkishke ıe bolǵan jaǵdaıda basymdyq quqyǵyna ıe bolady:
1) joǵary bilimniń bilim berý baǵdarlamalary boıynsha:
jetim balalar jáne ata-anasynyń asyraýynsyz qalǵan balalar;
soǵysqa qatysýshylarǵa beriletin jeńildikter men kepildikterge teńestirilgender;
«Altyn belgi» belgisimen marapattalǵan adamdar;
úzdik bilimi týraly qujaty (kýálikter, attestattar, dıplomdar) bar adamdar;
tizbesin bilim berý salasyndaǵy ýákiletti organ aıqyndaıtyn jalpy bilim beretin pánder boıynsha halyqaralyq olımpıadalar men ǵylymı jobalar konkýrstarynyń (ǵylymı jarystardyń) (birinshi, ekinshi jáne úshinshi dárejeli dıplomdarmen marapattalǵan), oryndaýshylardyń respýblıkalyq jáne halyqaralyq konkýrstardyń jáne sporttyq jarystardyń (birinshi, ekinshi jáne úshinshi dárejeli dıplomdarmen marapattalǵan) sońǵy úsh jyldaǵy jeńimpazdarynyń, sondaı-aq ózderi tańdaǵan mamandyqtary olımpıadanyń, konkýrstyń nemese sporttyq jarystyń pánine sáıkes kelgen jaǵdaıda, jalpy bilim beretin pánder boıynsha aǵymdaǵy jylǵy Prezıdenttik, respýblıkalyq olımpıadalar men ǵylymı jobalar konkýrstarynyń (birinshi, ekinshi jáne úshinshi dárejeli dıplomdarmen marapattalǵan) jeńimpazdarynyń basym quqyǵy bar;
«Jas Ulan» Respýblıkalyq mektebiniń túlekteri;
áskerı daıyndyq boıynsha qosymsha baǵdarlamalary bar bilim berý uıymdarynyń tárbıelenýshileri.
2) joǵary bilimniń oqytý merzimi qysqartylǵan bilim berý baǵdarlamalary boıynsha:
úzdik bilimi týraly qujattary (dıplomy) bar adamdar;
dıplom qosymshasynda (transkrıptte) anaǵurlym joǵary ortasha baly bar adamdar.
34. Kýrsanttar quramyna qabyldaý týraly mandattyq komıssııanyń sheshimi UQO JOO bastyqtarynyń buıryqtarymen resimdeledi.
Joǵary bilimniń bilim berý baǵdarlamalaryn iske asyryp jatqan Qazaqstan Respýblıkasy ulttyq qaýipsizdik organdarynyń áskerı, arnaýly oqý oryndaryna oqýǵa qabyldaý qaǵıdalaryna 1-qosymsha
Kandıdattardyń dene shynyqtyrý daıyndyǵyn baǵalaý ólshemsharttary
1. Orta bilim berý uıymdaryn bitirgennen keıin joǵary bilimniń bilim berý baǵdarlamalary boıynsha UQO JOO-ǵa oqýǵa túsetin adamdar úshin
Jattyǵý О́te jaqsy Jaqsy Qanaǵattanarlyq
Belaǵashta tartylý (qansha ret) 11 9 7
100 metrge júgirý (sek) 14,0 14,2 14,8
3000 metrge júgirý (mın.sek) 12.15 12.45 13.30
2. UQO JOO-ǵa joǵary bilimniń oqý baǵdarlamalary boıynsha oqýǵa túsetin qyzmetkerler (áskerı qyzmetshiler) úshin
Jattyǵý О́te jaqsy Jaqsy Qanaǵattanarlyq
Belaǵashta tartylý (qansha ret) 15 13 9
100 metrge júgirý (sek) 13,9 14,4 15,2
3000 metrge júgirý (mın.sek) 12.10 12.25 12.50
3. UQO JOO-ǵa joǵary bilimniń oqytý merzimi qysqartylǵan bilim berý baǵdarlamalary boıynsha oqýǵa túsetin adamdar úshin
Erler
1-top 25 jasqa deıin:
Jattyǵý О́te jaqsy Jaqsy Qanaǵattanarlyq
Belaǵashta tartylý (qansha ret) 15 13 9
100 metrge júgirý (sek) 13,9 14,4 15,2
3000 metrge júgirý (mın.sek) 12.10 12.25 12.50
2-top 25-30 jas aralyǵy:
Jattyǵý О́te jaqsy Jaqsy Qanaǵattanarlyq
Belaǵashta tartylý (qansha ret) 14 12 8
100 metrge júgirý (sek) 14,0 14,5 15,3
3000 metrge júgirý (mın.sek) 12.20 12.35 13.00
3-top 30-35 jas aralyǵy:
Jattyǵý О́te jaqsy Jaqsy Qanaǵattanarlyq
Belaǵashta tartylý (qansha ret) 12 10 6
100 metrge júgirý (sek) 14,8 15,4 16,2
3000 metrge júgirý (mın.sek) 14.0 14.45 15.30
Áıelder
1-top 25 jasqa deıin:
Jattyǵý О́te jaqsy Jaqsy Qanaǵattanarlyq
Keshendi-kúshtik jattyǵý (qansha ret) 34 30 26
100 metrge júgirý (sek) 16,6 17,2 18,0
1000 metrge júgirý (mın.sek) 4.00 4.15 4.35
2-top 25-30 jas aralyǵy:
Jattyǵý О́te jaqsy Jaqsy Qanaǵattanarlyq
Keshendi-kúshtik jattyǵý (qansha ret) 30 26 22
100 metrge júgirý (sek) 17,2 17,8 18,6
1000 metrge júgirý (mın.sek) 4.20 4.40 5.10
3-top 30-35 jas aralyǵy:
Jattyǵý О́te jaqsy Jaqsy Qanaǵattanarlyq
Keshendi-kúshtik jattyǵý (qansha ret) 26 22 18
100 metrge júgirý (sek) 17,8 18,4 19,2
1000 metrge júgirý (mın.sek) 4.40 4.55 5.30
Qazaqstan Respýblıkasy Ulttyq qaýipsizdik komıteti Tóraǵasynyń
2016 jylǵy 13 qańtardaǵy № 2 buıryǵyna 2-qosymsha
Qazaqstan Respýblıkasy Ulttyq qaýipsizdik komıteti
Tóraǵasynyń kúshi joıylǵan keıbir buıryqtarynyń tizbesi
1. «Joǵary bilimniń kásibı oqý baǵdarlamasyn iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalaryn bekitý týraly» Qazaqstan Respýblıkasy Ulttyq qaýipsizdik komıteti Tóraǵasynyń 2012 jylǵy 20 jeltoqsandaǵy № 590 buıryǵy (Normatıvtik quqyqtyq aktilerdi memlekettik tirkeý tiziliminde № 8211 bolyp tirkelgen, «Egemen Qazaqstan» gazetinde 2013 jylǵy 23 qańtarda № 24-25 (27298-27299) jarııalanǵan).
2. «Joǵary bilimniń kásibı oqý baǵdarlamalaryn qysqartylǵan merzimde iske asyratyn Qazaqstan Respýblıkasy Ulttyq qaýipsizdik komıtetiniń arnaýly (áskerı) oqý oryndaryna oqýǵa qabyldaý qaǵıdalaryn bekitý týraly» Qazaqstan Respýblıkasy Ulttyq qaýipsizdik komıteti Tóraǵasynyń 2013 jylǵy 12 sáýirdegi № 182 buıryǵy (Normatıvtik quqyqtyq aktilerdi memlekettik tirkeý tiziliminde № 8449 bolyp tirkelgen, «Egemen Qazaqstan» gazetinde 2013 jylǵy 5 maýsymda № 190-191 (27464-27465) jarııalanǵan).
3. «Qazaqstan Respýblıkasy Ulttyq qaýipsizdik komıteti Tóraǵasynyń keıbir buıryqtaryna ózgerister men tolyqtyrýlar engizý týraly» Qazaqstan Respýblıkasy Ulttyq qaýipsizdik komıteti Tóraǵasynyń 2015 jylǵy 20 naýryzdaǵy № 15 buıryǵy (Normatıvtik quqyqtyq aktilerdi memlekettik tirkeý tiziliminde № 11039 bolyp tirkelgen, «Ádilet» Qazaqstan Respýblıkasy normatıvtik quqyqtyq aktileriniń aqparattyq-quqyqtyq júıesinde 2015 jylǵy 21 mamyrda jarııalanǵan).
Buıryq Qazaqstan Respýblıkasynyń Ádilet mınıstrliginde 2016 jylǵy 17 aqpanda Normatıvtik quqyqtyq kesimderdi memlekettik tirkeýdiń tizilimine №13104 bolyp engizildi.